Mat 23 | Ndebele | STEP | Khona uJesu wakhuluma emaxukwini lakubafundi bakhe ,

1 Khona uJesu wakhuluma emaxukwini lakubafundi bakhe ^a, 2 esithi: Ababhali labaFarisi bahlezi esihlalweni sikaMozisi; 3 ngakho konke lokhu abalitshela khona ukuthi likugcine, kugcineni likwenze; kodwa lingenzi njengokwemisebenzi yabo ^b, ngoba bayakhuluma bangenzi ^c. 4 Ngoba bayabopha imithwalo enzima njalo elukhuni ukuthwalwa, bayibeke emahlombe abantu, kodwa kabafuni ukuyisusa ngomunwe wabo ^d. 5 Njalo imisebenzi yabo yonke bayenza ukuze babonwe ngabantu ^e; ngoba benza amafilakteriyu* abo abe banzi ^f, njalo bakhulisa intshaka zezembatho zabo ^g; 6 bathanda izihlalo zabahloniphekayo ekudleni kwantambama ^h, lezihlalo eziqakathekileyo emasinagogeni ⁱ, 7 lokubingelelwa emidangeni ^{j
,} ^k, lokubizwa ngabantu ngokuthi: Rabi*, Rabi ^l.

8 Kodwa lina kalingabizwa ngokuthi Rabi ^m; ngoba munye ongumfundisi wenu, uKristu ⁿ; njalo lina lonke lingabazalwane. 9 Futhi lingabizi muntu emhlabeni ngokuthi nguyihlo ^o; ngoba munye onguYihlo, osemazulwini ^p; 10 kalingabizwa ngokuthi lingabafundisi ^q; ngoba munye ongumfundisi wenu, uKristu ^r. 11 Kodwa omkhulu kini ^s uzakuba yinceku yenu ^t. 12 Lalowo oziphakamisayo, uzathotshiswa; lalowo ozithobayo, uzaphakanyiswa ^u.

13 Kodwa maye kini, babhali labaFarisi, bazenzisi ^v, ngoba livalela abantu umbuso wamazulu; ngoba kalingeni lina, labangenayo kalibavumeli ukuthi bangene ^w. 14 Maye kini, babhali labaFarisi, bazenzisi, ngoba lidla izindlu zabafelokazi, langokuzenzisa lenza imikhuleko emide; ngakho lizakwemukela ukulahlwa okukhulu ^x. 15 Maye kini, babhali labaFarisi, bazenzisi, ngoba libhoda ulwandle lomhlaba ukuthi lenze abe munye ophendukela kumaJuda ^y, kuthi nxa esenziwe njalo, limenze umntwana wesihogo ngokuphindwe kabili kulani ^z.

16 Maye kini, bakhokheli abayiziphofu ^aa, abathi: Loba ngubani ofunga ngethempeli, akulutho; kodwa loba ngubani ofunga ngegolide lethempeli, ulomlandu ^ab. 17 Zithutha leziphofu ^ac! Ngoba yikuphi okukhulu, igolide, kumbe ithempeli elenza igolide libe ngcwele ^ad? 18 Njalo: Loba ngubani ofunga ngelathi, akulutho; kodwa loba ngubani ofunga ngomnikelo ophezu kwalo ^ae, ulomlandu. 19 Zithutha leziphofu! Ngoba yikuphi okukhulu ^af, umnikelo, kumbe ilathi elenza umnikelo ube ngcwele ^ag? 20 Ngakho ofunga ngelathi ufunga ngalo langakho konke okuphezu kwalo; 21 lofunga ngethempeli ufunga ngalo langaye ohlala kulo ^ah; 22 lofunga ngezulu ufunga ngesihlalo sobukhosi sikaNkulunkulu langaye ohlala phezu kwaso ^ai.

23 Maye kini, babhali labaFarisi, bazenzisi, ngoba lithela okwetshumi kwetshwayi leganga ledile* lekhumini* ^aj; liyekele okunzima komlayo, ukwahlulela lesihawu lokholo; belifanele ukwenza lezizinto, lingaziyekeli lalezo ^ak. 24 Bakhokheli abayiziphofu ^al, likhetha umiyane, kodwa liginye ikamela ^am. 25 Maye kini, babhali labaFarisi, bazenzisi, ngoba lihlambulula ingaphandle ^an yenkezo leyomganu, kodwa ngaphakathi kugcwele ukuphanga ^ao lobuhwaba ^ap. 26 MFarisi oyisiphofu! Hlambulula kuqala ingaphakathi yenkezo leyomganu, ukuze kuhlambuluke lengaphandle yakho ^aq.

27 Maye kini, babhali labaFarisi, bazenzisi ^ar, ngoba lifanana lamangcwaba aconjwe aba mhlophe, abonakala emahle ngaphandle, kanti ngaphakathi agcwele amathambo abafileyo ^as lokungcola konke ^at. 28 Kunjalo lani ngaphandle libonakala ebantwini lilungile, kanti ngaphakathi ligcwele ukuzenzisa lobubi.

29 Maye kini, babhali labaFarisi, bazenzisi, ngoba lakha amangcwaba abaprofethi ^au, licecise amangcwaba abalungileyo ^av, 30 lithi: Uba besikhona ensukwini zabobaba bethu, besingayikuhlanganyela labo egazini labaprofethi. 31 Kunjalo liyazifakazela lina ukuthi lingamadodana alabo ababulala abaprofethi ^aw; 32 lina-ke gcwalisani ^ax isilinganiso saboyihlo ^ay! 33 Zinyoka, nzalo yamabululu ^az, lizaphepha njani ukulahlwa kwesihogo ^ba?

34 Ngakho, khangelani, mina ngithuma kini abaprofethi labahlakaniphileyo ^bb lababhali ^bc; labanye babo lizababulala libabethele ^bd; labanye lizabatshaya ngesiswepu emasinagogeni ^be enu libazingele imizi ngemizi ^bf; 35 ukuze kwehlele phezu kwenu igazi lonke elilungileyo elachithwa emhlabeni ^bg, kusukela egazini likaAbela olungileyo ^bh, kuze kufike egazini likaZakariya ^bi indodana kaBarakiya ^bj, elambulala phakathi kwethempeli ^bk lelathi ^bl. 36 Ngiqinisile ngithi kini: Zonke lezizinto zizakwehlela phezu kwalesisizukulwana.

UJesu ukhalela iJerusalema

37 Jerusalema, Jerusalema ^bm, wena obulala abaprofethi ^bn njalo obakhanda ngamatshe labo abathunywe kuwe ^bo! Bengithanda kangakanani ukubuthela ndawonye abantwana bakho, njengesikhukhukazi sibuthela amatsiyane aso ^bp ngaphansi kwempiko, kodwa kalivumanga ^bq. 38 Khangelani, indlu yenu itshiyiwe kini ilunxiwa. 39 Ngoba ngithi kini: Kalisoze langibona kusukela khathesi, lize lithi: Ubusisiwe ozayo ebizweni leNkosi ^br.